Tuesday, November 1, 2011
ആദരാഞ്ജലികള്‍
സംഗീത കുടുംബത്തിന്റെ വ്യസനത്തില്‍ പങ്കു ചേരുന്നു. ആദരാഞ്ജലികള്‍
ഇളയരാജയുടെ പത്നി ജീവ രാജ നിര്യാതയായി. നെഞ്ചു വേദന അനുഭവപ്പെട്ടതിനെത്തുടര്‍ന്ന് ചെന്നൈ അപ്പോളോ ആശുപത്രിയില്‍ ഒക്ടോബര്‍ 31ന്‌ രാത്രി ഒന്‍പതരയോടെ പ്രവേശിക്കപ്പെട്ട ജീവ രാജ രാത്രി പതിനൊന്നു മണിയോടെ ഹൃദയസ്തംഭനം മൂലം നിര്യാതയാവുകയായിരുന്നു. അറുപതു വയസ്സായിരുന്നു അവര്‍ക്ക്. അഞ്ചു്‌ വര്‍ഷങ്ങള്‍ക്ക് മുന്‍പേ ഒരു ബൈപ്പാസ് ശസ്ത്രക്രിയ കഴിഞ്ഞിരുന്നു.
തന്റെ പുതിയ ചിത്രമായ ശ്രീരാമരാജ്യത്തിന്റെ പ്രസ്സ് മീറ്റില്‍ പങ്കെടുക്കുവാനായി ഹൈദരബാദിലായിരുന്ന ഇളയരാജ ഉടനെ ചെന്നൈയിലെത്തുകയായിരുന്നു.
സംഗീത സംവിധായകരായ കാര്‍ത്തിക് രാജ, യുവന്‍ ശങ്കര്‍ രാജ, ഗായിക ഭവധാരണി എന്നിവര്‍ മക്കള്‍ .
Monday, September 19, 2011
സ്നേഹവീട്
കൊതിയോടെ കാത്തിരുന്ന സംഗീത ആല്‍ബം:സ്നേഹവീട് റിലീസായിരിക്കുന്നു !
സത്യന്‍ അന്തിക്കാട് ചിത്രം|റഫീക്ക് അഹമ്മദിന്റെ വരികള്‍|ഇളയരാജയുടെ ഈണം!ചിത്ര - ശ്രേയ ഘോഷാല്‍ - ശ്വേത - ഹരിഹരന്‍ - രാഹുല്‍ നമ്പ്യാര്‍ എന്നിവരുടെ സ്വരം!!
പാട്ടുകള്‍ കേട്ടുകൊണ്ടിരിക്കുന്നു. ചിത്രയുടെ സ്വരത്തില്‍ ' ചെങ്കതിര്‍ കൊയ്യും...' എന്ന ഗാനം ഏറെ പ്രിയങ്കരം. ഈ ഗാനത്തിലെ 02.31 മുതല്‍ 02.55 വരെയുള്ള സംഗീത ശകലം (interlude) - വീണ്ടും ഇളയരാജാ മാജിക് ! കീരവാണി (കടപ്പാട്: സംഗീത ജ്നാനമുള്ള സുഹൃത്ത് രവി) രാഗത്തിലാണ് ഈ ഗാനം ചിട്ടപ്പെടുത്തിയിട്ടുള്ളത്. മലയാളത്തില്‍ കീരവാണിയില്‍ രാജ എത്രയോ ഗാനങ്ങള്‍ നല്‍കിയിരിക്കുന്നു. സംശയമില്ല.. ഒരിടവേളക്കു ശേഷം ചിത്രയുടെ അതിമനോഹര ഗാനം.
അമൃതമായ് അഭയമായ് - ഹരിഹരന്റെ സ്വരത്തില്‍ കല്ല്യാണി രാഗത്തില്‍..ഇതേ ഗാനം രാഹുല്‍ നമ്പ്യാരും പാടിയിരിക്കുന്നു. ശ്രേയ ഘോഷാല്‍ രാജയുടെ സംഗീതത്തില്‍ മലയാളത്തില്‍ - അതാണ്‌ ആവണിത്തുമ്പി എന്ന് തുടങ്ങുന്ന ഗാനം. ഇളയരാജയുടെ മാസ്മരിക ഓര്‍ക്കസ്റ്റ്റേഷനില്‍ അതിമനോഹരമാണ്‌ ഈ ഗാനവും. വീണ്ടും സംഗീത ശകലങ്ങള്‍ (interludes) നമ്മെ വേറൊരു ലോകത്തെത്തിക്കുന്നു.
രാഹുല്‍ നമ്പ്യാര്‍ ശ്വേതക്കൊപ്പം പാടിയ ചന്ദ്രബിംബത്തിന്‍ എന്ന ഗാനം മറ്റൊരാകര്‍‍ഷണം. അല്പം ചടുല താളങ്ങള്‍ ചേര്‍ത്ത് കോര്‍ത്തിണക്കിയ ഇമ്പമാര്‍ന്ന ഗാനം.
മൊത്തത്തില്‍.. അതി സൂക്ഷ്മമായ സംഗീത രചനകളാല്‍ ഇളയരാജ തീര്‍ത്ത സുന്ദരഗാനങ്ങള്‍. ഏറെ ആകര്‍ഷണീയമായ വരികള്‍. പ്രശസ്ത കവി റഫീക്ക് അഹമ്മദും ഇളയരാജയും ആദ്യമായി ഒന്നിച്ച ചിത്രം. രാജയുടെ ഒട്ടേറെ ഹിറ്റുഗാനങ്ങള്‍ മറ്റു ഭാഷകളില്‍ പാടിയിട്ടുള്ള ശ്രേയ ഘോഷാല്‍ മലയാളത്തില്‍ രാജയോടൊപ്പം ആദ്യം. പ്രത്യേകതകള്‍ ഏറെ..
റഫീക്ക് അഹമ്മദിന്റെ വരികള്‍ കടമെടുക്കുകയാണെങ്കില്‍ " തെളിനീരിലെ പരല്‍ മീനുകള്‍ തങ്കത്തൂവല്‍ പീലി പോലെ നീങ്ങുന്ന " കാഴ്ച ഒരു കുളിര്‍ കാറ്റേറ്റ് കണ്ടുനില്‍ക്കുന്ന സുഖം.
ഇളയരാജഗാനപ്രേമികള്‍ക്കിത് ഇരട്ടി മധുരം. ആഴ്ചകള്‍ക്ക് മുന്‍പ് പുറത്തിറങ്ങിയ ശ്രീരാമ രാജ്യം എന്ന തെലുങ്ക് ചിത്രത്തിലെ ഗാനങ്ങള്‍ സൂപ്പര്‍ ഹിറ്റായതിന്‌ പിന്നാലേ മലയാളത്തില്‍ സ്നേഹവീട്.
ഈ സംഗീത ആല്‍ബം വാങ്ങുവാന്‍ ഇവിടം സന്ദര്‍‍ശിക്കുക.
Saturday, June 4, 2011
ലതാ മങ്കേഷ്‌കര്‍
ഗായിക ലതാ മങ്കേഷ്‌കര്‍ ഇളയാജക്ക് പിറന്നാള്‍ ആശംസകള്‍ നേര്‍ന്നതിങ്ങനെ...
ഇവിടെ അമര്‍ത്തുക. അതല്ലെങ്കില്‍ ഇവിടെ
ഇവിടെ അമര്‍ത്തുക. അതല്ലെങ്കില്‍ ഇവിടെ
Monday, January 17, 2011
എം.എസ്. സുബ്ബലക്ഷ്മി അവാര്ഡ്
സംഗീത സംവിധായകന്‍ ഇളയരാജക്ക് എം.എസ്. സുബ്ബലക്ഷ്മി അവാര്ഡ്. തമിഴ്‌നാട് ടൂറിസം-സാംസ്‌കാരിക വകുപ്പ് സംഗീതമേഖലയില്‍ ദേശീയാടിസ്ഥാനത്തില്‍ മികവ് തെളിയിച്ചവര്‍ക്ക് ഏര്‍പ്പെടുത്തിയ പ്രഥമ പുരസ്‌കാരമാണ്‌ ഇളയരാജക്ക് ലഭിച്ചത്.
Sunday, September 19, 2010
അക്ഷയ സമ്മാന്‍ - 2010
പശ്ചാത്തലസംഗീതത്തിന്‌ ലഭിച്ച ദേശീയ അവാര്‍ഡിനു തൊട്ടുപിന്നാലെ ഇളയരാജക്ക് മറ്റൊരു അംഗീകാരം കൂടി. ഒറീസയിലെ ഭുവനേശ്വര്‍ ആസ്ഥാനമാക്കി പ്രവര്‍ത്തിക്കുന്ന അക്ഷയ മൊഹന്തി ഫൗണ്ടേഷന്‍ സമ്മാനിക്കുന്ന അക്ഷയ സമ്മാന്‍ 2010 പുരസ്കാരം ഇളയരാജക്ക്. ഗായകന്‍ മന്നാഡേ(2007), ഗാനരചയിതാവ് ഗുല്‍സാര്‍ (2008), പണ്ഠിറ്റ് ഹരിപ്രസാദ് ചൗരസ്യ (2009) എന്നിവരാണ്‌ മുന്‍ വര്‍ഷങ്ങളിലെ അക്ഷയ സമ്മാന്‍ അവാര്ഡ് ജേതാക്കള്‍. സംഗീതരംഗത്തെ ഇളയരാജയുടെ സംഭാവനകള്‍ മുന്‍നിര്‍ത്തിയാണ്‌ ഈ പുരസ്കാരം.
ഒക്ടോബര്‍ രണ്ടിന്‌ ഭുവനേശ്വറില്‍ നടക്കുന്ന ചടങ്ങില്‍ വച്ച് ഈ അവാര്ഡ് സമ്മാനിക്കുന്നതായിരിക്കും.
ഒക്ടോബര്‍ രണ്ടിന്‌ ഭുവനേശ്വറില്‍ നടക്കുന്ന ചടങ്ങില്‍ വച്ച് ഈ അവാര്ഡ് സമ്മാനിക്കുന്നതായിരിക്കും.
Wednesday, September 15, 2010
ദേശീയ അവാര്ഡ് 2010
പഴശ്ശിരാജയിലെ പശ്ചാത്തലസംഗീതത്തിന്‌ ഇളയരാജക്ക് ദേശീയ അവാര്ഡ്.
പശ്ചാത്തലസംഗീതത്തിന്‌ ദേശീയ പുരസ്കാരം ഈ വര്‍ഷം മുതല്‍ക്കാണ്‌ നല്‍കിത്തുടങ്ങിയത്. പശ്ചാത്തസംഗീതത്തില്‍ ഇന്ത്യന്‍ സിനിമയിലെത്തന്നെ രാജാവായ ഇളയാരാജ തന്നെ ആദ്യ അവാര്‍ഡിനര്‍ഹന്‍. അഭിനന്ദനങ്ങള്‍!
പശ്ചാത്തലസംഗീതത്തിന്‌ ദേശീയ പുരസ്കാരം ഈ വര്‍ഷം മുതല്‍ക്കാണ്‌ നല്‍കിത്തുടങ്ങിയത്. പശ്ചാത്തസംഗീതത്തില്‍ ഇന്ത്യന്‍ സിനിമയിലെത്തന്നെ രാജാവായ ഇളയാരാജ തന്നെ ആദ്യ അവാര്‍ഡിനര്‍ഹന്‍. അഭിനന്ദനങ്ങള്‍!
Sunday, September 13, 2009
ഇളയരാജയും കമലും വീണ്ടും !
ഇളയരാജയുടെ സംഗീത സംവിധാനത്തില്‍ കമലഹാസന്‍ പാടുന്നതിതാദ്യമായല്ല. എന്നാല്‍ മറ്റൊരു നടനുവേണ്ടി കമലഹാസന്‍ പാടുന്നത് അപൂര്‍വ്വമാണ്‌. അതും ഹിന്ദി ചിത്രത്തില്‍. പങ്കജ് കപൂര്‍ നായകനാകുന്ന ഹാപ്പി എന്ന ഹിന്ദി ചിത്രത്തില്‍ ഇളയരാജയുടെ സംഗീത സംവിധാനത്തില്‍ കമലഹാസന്‍ പാടിയ ഗാനം ഈയിടെ റെക്കോര്‍ഡ് ചെയ്യുകയുണ്ടായി. ചാര്‍ളി ചാപ്ലിനുമായി ഏറെ സാദൃശ്യപ്പെടുത്താവുന്ന ഒരു കഥാപാത്രമാണ്‌ പങ്കജ് കപൂര്‍ ഈ ചിത്രത്തില്‍ കൈകാര്യം ചെയ്യുന്നത്. മുംബൈ നഗരത്തിലെ സാധാരണക്കാരില്‍ സാധാരണക്കാരനായ ഒരാളുടെ കഥ.കമല്‍, ഒരു ചാര്‍ളി ചാപ്ലിന്‍ ആരാധകനെന്നതിലുപരി, ചാപ്ലിന്‍വേഷങ്ങള്‍ സിനിമയില്‍ പലതവണ അവതരിപ്പിച്ചിട്ടുള്ള വ്യക്തി കൂടിയാണ്‌. ഇതു മാത്രമല്ല, കമലിനേപ്പോലൊരു അതുല്ല്യ നടന്‍ മറ്റൊരു നടനു നല്‍കുന്ന ആദരവു കൂടിയാണ്‌ ഈ ഗാനാലാപനം - ചിത്രത്തിന്റെ സംവിധായക ഭാവന തല്‍വാര്‍ പറയുന്നു. ഇളയരാജയും കമലഹാസനും തമ്മിലുള്ള അടുപ്പവും ഈ അപൂര്‍വ്വ സംഗമത്തിനു്‌ കാരണമായതായി അവര്‍ കൂട്ടിച്ചേര്‍ക്കുന്നു.ഇളയരാജയെയും കമലഹാസനേയും പോലുള്ള പ്രതിഭകളുമായി ഈ ചിത്രത്തില്‍ സഹകരിക്കാന്‍ കഴിഞ്ഞതൊരു ഭാഗ്യമായി ഭാവന കാണുന്നു. സംഭാഷണങ്ങള്‍ ഏറെക്കുറവായ ഈ ചിത്രത്തില്‍ പശ്ചാത്തല സംഗീതമൊരുക്കിയത് ബുഡാപെസ്റ്റില്‍ വച്ചാണ്‌. ബുഡാപെസ്റ്റ് സിംഫണി ഓര്‍ക്കെസ്ട്രയാണ്‌ ഇതില്‍ ഇളയരാജയോടൊപ്പം സഹകരിച്ചിരിക്കുന്നത്.
(അവലംബം)
(അവലംബം)
ഇളയരാജയും കമലഹാസനും (ഒരു പഴയ ചിത്രം)
Subscribe to:
Posts (Atom)